MAMA SAMIA LEGAL AID CAMPAIGN

Msaada wa kisheria ni njia ya kuhakikisha kuwa watu wote, hasa wale wasiokuwa na uwezo wa kifedha, wanapata fursa ya kutetea haki zao mahakamani au kupitia njia za nje ya mahakama kama usuluhishi na upatanishi. Kupitia msaada wa kisheria:     Wananchi wanaelimishwa kuhusu haki zao za kisheria, kama haki ya ardhi, mirathi, ajira, ndoa, na kuzuia ukatili wa kijinsia.   Wanasaidiwa kufungua na kufuatilia kesi zao mahakamani au kuandika nyaraka za kisheria, kama wosia au mikataba.   Haki inapatikana kwa wote, si kwa wale wenye uwezo wa kifedha pekee.   Msaada wa kisheria huchangia amani kwa kupunguza migogoro inayotokana na ukosefu wa maarifa ya kisheria na ukosefu wa upatikanaji wa haki.   - Njia mbadala za utatuzi wa migogoro, kama upatanishi na usuluhishi, husaidia kupunguza uhasama kati ya pande zinazohusika.   - Wananchi wanaopewa msaada wa kisheria wanakuwa na imani na mfumo wa haki, hivyo kuepuka kujichukulia sheria mikononi mwao...

  Kijiji cha Mlogolo kilichopo katika Wilaya ya Sikonge kimeandika historia mpya baada ya kupokea elimu ya msaada wa kisheria kupitia kampeni ya Samia Legal Aid Campaign (MSLAC). Elimu hii ilitolewa wakati wa mnada maarufu unaowakutanisha wakazi wa vijiji mbalimbali vya Sikonge, lengo likiwa ni kuwawezesha wajasiriamali wadogo na wa kati kufahamu haki zao za kisheria na taratibu zinazopaswa kufuatwa katika shughuli zao za kibiashara.     Mnada wa Mlogolo, ambao unajulikana kwa kuwa kiunganishi kikubwa cha wafanyabiashara wa mazao, mifugo, na bidhaa nyingine za nyumbani, uligeuka kuwa jukwaa la mafunzo ya kisheria. Washiriki walipata fursa ya kujifunza masuala muhimu kama haki za mikataba ya kibiashara, taratibu za kukopa fedha kupitia taasisi za kifedha, umuhimu wa kuweka kumbukumbu sahihi za biashara, pamoja na namna ya kushughulikia migogoro inayoweza kutokea kwenye mazingira ya kibiashara.     Wakizungumza wakati wa mafunzo hayo, maafisa wa msaada w...