MAMA SAMIA LEGAL AID CAMPAIGN

  Kampeni ya Mama Samia Legal Aid yatajwa kuwa daraja la kuwafikia wananchi wanyonge wanaohitaji msaada wa kisheria. Waziri wa Katiba na Sheria,  Mhe. Abdallah Hamis Ulega (Mb.) , amesema Kampeni ya Msaada wa Kisheria ya Mama Samia (Mama Samia Legal Aid) inalenga kuwasaidia wananchi wasio na uwezo wa kupata huduma za kisheria, hususan wajane, yatima, watu wenye ulemavu na makundi mengine yenye uhitaji. Akizindua utekelezaji wa kampeni hiyo mkoani Pwani, Ulega amesema kampeni hiyo ni daraja muhimu kwa wananchi wasiojua wapi pa kwenda wanapokabiliwa na changamoto za kisheria. Aidha, amempongeza Rais Dkt. Samia Suluhu Hassan kwa kuanzisha kampeni hiyo, pamoja na wataalamu wa Wizara wanaosimamia utekelezaji wake. Amewataka wananchi kutumia siku 10 za kampeni kuwahamasisha wenye uhitaji kupata msaada wa kisheria , wakiwemo wanaodhulumiwa haki zao na vijana wanaoingia mikataba bila uelewa wa kutosha wa kisheria.   UJUMBE MUHIMU: Haki haipaswi kuwa fursa ya wenye fedha pekee. SW...

“Utawala bora si kusikiliza malalamiko pekee, bali pia kuyashughulikia na kuwapa wananchi mrejesho wa hatua zilizochukuliwa.” Waziri wa Katiba na Sheria,  Mhe. Abdallah Hamis Ulega , amesisitiza umuhimu wa viongozi na watendaji wa Serikali kuhakikisha sauti za wananchi zinasikilizwa, malalamiko yao yanashughulikiwa kwa wakati na wanapatiwa mrejesho, ikiwa ni sehemu ya kuimarisha uwajibikaji na kujenga imani kati ya wananchi na Serikali. Akizungumza Oktoba 26, 2026, wakati wa ufunguzi wa mafunzo ya Uraia na Utawala Bora kwa Viongozi na Watendaji wa Mamlaka za Serikali za Mitaa mkoani Manyara, Waziri Ulega ameeleza kuwa  utawala bora ni msingi muhimu wa kudumisha amani, utulivu na kuchochea maendeleo endelevu nchini. Amesisitiza kuwa kusikiliza wananchi pekee hakutoshi, bali ni muhimu kuhakikisha changamoto wanazowasilisha zinafanyiwa kazi na wanajulishwa hatua zilizochukuliwa katika kuzitatua. Aidha, amebainisha kuwa ushirikishwaji wa wananchi katika masuala yanayowahusu, uwaji...

 

                                                    Katika Stendi ya Zamani ya Mabasi, Manispaa ya Morogoro Mjini, wananchi wanaendelea kunufaika na huduma za msaada wa kisheria zinazotolewa kupitia banda la Wizara ya Katiba na Sheria. Kupitia Kliniki ya Msaada wa Kisheria, mwananchi amekabidhiwa hati ya kiapo kwa ajili ya kuwasilishwa mahakamani ili kumuwezesha kuwa msimamizi wa mirathi. Huduma hii ni sehemu ya jitihada za serikali kusogeza haki karibu na wananchi, kutoa elimu ya kisheria, na kusaidia jamii kutatua changamoto zao za kisheria kwa urahisi na ufanisi.  

Mamia ya wananchi wa Mkoa wa Morogoro wamejitokeza kwa wingi katika Kliniki Maalumu ya Msaada wa Kisheria inayofanyika katika viwanja vya Standi ya Zamani, Manispaa ya Morogoro. Kliniki hiyo imeandaliwa na Wizara ya Katiba na Sheria kupitia Dawati la Msaada wa Kisheria kwa kushirikiana na Dawati la Jinsia la Jeshi la Polisi, Wakala wa Usajili, Ufilisi na Usaili (RITA) pamoja na Chama cha Mawakili Tanganyika (TLS). Huduma zinazotolewa katika kliniki hiyo ni pamoja na ushauri wa kisheria, elimu ya haki za binadamu, masuala ya mirathi, ndoa na talaka, usajili wa vizazi na vifo, masuala ya ukatili wa kijinsia, pamoja na migogoro ya ardhi na ajira. Kliniki hiyo inafanyika kwa muda wa siku mbili mfululizo, ikiwa na lengo la kuwafikia wananchi wengi zaidi hususan wale wasiokuwa na uwezo wa kugharamia huduma za kisheria. Kwa manufaa ya umma wa Tanzania, kliniki kama hizi zinachangia kuimarisha utawala wa sheria, kupunguza migogoro isiyo ya lazima, na kujenga jamii yenye uelewa wa haki, usaw...

Waziri wa Katiba na Sheria, Mhe. Juma Homera, amefanya kikao maalum na watendaji walio chini ya Wizara hiyo katika Mkoa wa Morogoro kwa lengo la kuakisi na kutathmini utendaji wa Wizara na taasisi zake katika mkoa huo. Kikao hicho kimewakutanisha viongozi na watumishi kutoka Ofisi ya Mwanasheria Mkuu wa Serikali, Ofisi ya Wakili Mkuu wa Serikali (OSG), Mahakama ya Tanzania pamoja na Wakala wa Ufilisi na Usaili (RITA). Katika mkutano huo, Mhe. Homera alisikiliza taarifa za utekelezaji wa majukumu, changamoto zinazowakabili watendaji pamoja na mafanikio yaliyopatikana katika utoaji wa huduma za haki na kisheria kwa wananchi wa Mkoa wa Morogoro. Waziri alisisitiza umuhimu wa uwajibikaji, ushirikiano wa taasisi na kuzingatia maadili ya utumishi wa umma ili kuboresha utoaji wa huduma na kuimarisha haki, usawa na utawala wa sheria. Mhe. Homera aliwahimiza watendaji hao kuendelea kufanya kazi kwa bidii na weledi, akibainisha kuwa Wizara itaendelea kutoa ushirikiano na maboresho yatakayowezesh...