-

 MWANASHERIA MKUU WA SERIKALI AZINDUA KLINIKI YA USHAURI NA ELIMU YA SHERIA KWA UMMA

Mwanasheria Mkuu wa Serikali, Jaji Dkt. Eliezer Mbuki Feleshi, amezindua Kliniki ya Ushauri na Elimu ya Sheria kwa Umma, inayolenga kusogeza huduma za msaada wa kisheria kwa wananchi. Lengo kuu ni kupunguza migogoro dhidi ya Serikali na kupata suluhu ya changamoto zinazowakabili wananchi.

Kliniki hiyo, iliyoandaliwa na Ofisi ya Mwanasheria Mkuu wa Serikali kwa kushirikiana na Chama cha Mawakili wa Serikali, ni utekelezaji wa agizo la Rais Dkt. Samia Suluhu Hassan, ambaye alitaka viongozi kuweka utaratibu wa kusikiliza malalamiko ya wananchi na kuwaongoza katika taratibu za kupata haki.

Akizindua Kliniki hiyo jijini Dodoma, Dkt. Feleshi alisema kuwa hatua hiyo itaimarisha utawala wa sheria nchini, na pia itachochea mazingira ya amani kwa wawekezaji wa ndani na nje ya nchi.

"Natoa rai kwa Mawakili wote wa Serikali hapa nchini kutenga muda na kusikiliza wananchi kupitia maeneo yao. Pia nawakumbusha wakuu wa mikoa na wilaya ambao bado hawajakamilisha kuteua wajumbe wawili wa kamati za ushauri, wafanye hivyo haraka ili kamati hizo zianze kusikiliza malalamiko ya wananchi kwa kuzingatia utaratibu uliowekwa," alisema Dkt. Feleshi.


Aidha, Mwanasheria Mkuu wa Serikali aliwakumbusha vyama vya Mawakili wa Serikali (TPBA) na Mawakili wa Tanganyika (TLS) kuendelea kushirikiana na Serikali pamoja na kamati za ushauri wa kisheria ngazi za mikoa na wilaya ili kusikiliza malalamiko na kuyatatua kwa wakati.

Kliniki hizi zitaendeshwa na kamati hizo kwa nchi nzima na hivyo wananchi wa Dodoma na mikoa jirani wanakaribishwa kupata huduma ya ushauri wa kisheria bure kuanzia Juni 26 hadi Julai 3, 2024, kuanzia saa 2:00 asubuhi hadi saa 10:00 jioni.

Kwa upande wake, Katibu Mkuu Wizara ya Katiba na Sheria, Mary Makondo, alieleza kuwa wananchi wakiendelea kutatuliwa kero zao, uzalishaji utaongezeka kwa kasi.


"Serikali kupitia kampeni ya msaada wa kisheria ya Mama Samia imewawezesha wananchi kuwa sehemu ya mabadiliko kwa kuelewa namna ya kutafuta suluhu ya malalamiko yao. Kero za wananchi ni wajibu wetu, tuendelee kuwa pamoja katika kuzitatua kupitia ushirikiano wetu. Kupitia siku hizi zilizopangwa, wananchi wataelimishwa zaidi ili wapate haki yao na kuwa na amani," alisema Bi. Makondo.

Aliongeza kuwa Serikali itaendelea kuboresha mifumo ya msaada wa kisheria kupitia teknolojia ya kidigitali na simu za kawaida ili kuhakikisha huduma bora kwa wananchi.

Comments

Post a Comment

Popular posts from this blog

-
Image
 MSAADA WA KISHERIA KATIKA MIGOGORO YA NDOA NA NDOA KWA KUZINGATIA KATIBA YA TANZANIA  Nchini Tanzania, ndoa ni muungano mtakatifu unaotambuliwa na Katiba ya Jamhuri ya Muungano wa Tanzania na sheria mbalimbali kama vile Sheria ya Ndoa ya Mwaka 1971. Hata hivyo, kama ilivyo kwa muungano wowote wa kijamii, changamoto na migogoro inaweza kutokea. Katika hali kama hizi, msaada wa kisheria una jukumu muhimu katika kulinda haki za wahusika na kuhakikisha suluhu za haki na endelevu.   Katiba na Haki za Wanandoa Katiba ya Tanzania inatambua haki za msingi za kila raia, ikiwa ni pamoja na haki ya usawa mbele ya sheria (Ibara ya 13). Katika ndoa, haki hizi zinahakikisha kuwa wanandoa wote wanatendewa kwa usawa bila kujali jinsia au hali ya kiuchumi. Sheria pia inahimiza maelewano, heshima, na usaidizi wa pamoja kati ya wanandoa, ambayo ni msingi wa amani ya familia.   Migogoro ya Ndoa Migogoro ya ndoa inaweza kuwa ya aina mbalimbali, ikiwa ni pamoja na: 1.Migogoro ya kifamili...
Read more

-
Image
Mafunzo Yawapa Nguvu Wataalamu Halmashauri Kilimanjaro: Mkakati wa Mama Samia Legal Aid Campaign Wapewa Msukumo Mpya Mafunzo haya yaliwalenga wataalamu wa ngazi ya halmashauri mkoani Kilimanjaro ili kuwajengea uwezo katika kuendesha, kusimamia, na kutathmini Mpango wa Mama Samia Legal Aid Campaign. Lengo kuu ni kuhakikisha kuwa wananchi wanapata msaada wa kisheria kwa wepesi, uwazi, na ufanisi. Uelewa wa Mkakati wa Mama Samia Legal Aid Campaign: Mkakati wa Msingi:   Unajumuisha kutoa elimu ya kisheria kwa wananchi, kuimarisha upatikanaji wa haki, na kuboresha mifumo ya usimamizi wa rasilimali za kisheria. Umuhimu kwa Maendeleo ya Jamii:   Kupitia mpango huu, wananchi wanakuwa na uelewa mpana wa haki zao, hivyo kukuza amani, ushirikishwaji na maendeleo endelevu katika jamii. Mwongozo wa Uendeshaji na Mambo ya Kuzingatia: Usimamizi Madhubuti:   Wawezeshaji wanapaswa kuandaa ratiba inayozingatia mahitaji ya kila eneo na kufuata taratibu za utawala bora. Ushirikiano Miongoni ...
Read more
-
Image
Je, Kampeni ya Msaada wa Kisheria ya Mama Samia Inatoa Msaada wa Namna gani Kwa Watanzania?  Kampeni ya msaada wa kisheria iliyoanzishwa na Mhe.Rais.Dkt.Samia Suluhu Hassan inagusa maeneo mbalimbali nchini Tanzania kwa lengo la kutoa elimu na huduma za msaada wa kisheria kwa wananchi. Maeneo muhimu ambayo kampeni hii inagusa ni pamoja na: Elimu ya Kisheria :MSLAC inatoa elimu ya kisheria kwa wananchi kuhusu haki zao za kikatiba na sheria zinazowalinda, ikiwemo sheria za ardhi, haki za wanawake, watoto, na makundi maalum. Utoaji wa Huduma za Kisheria : Kampeni inawafikia wananchi kwa kuwapatia huduma za msaada wa kisheria, hasa wale wasio na uwezo wa kumudu gharama za kisheria. Hii inahusisha msaada wa kisheria wa bure kwa wananchi katika migogoro mbalimbali. Ulinzi wa Haki za Wanawake na Watoto : Moja ya malengo makubwa ya kampeni ni kulinda haki za wanawake na watoto, kwa kutoa msaada katika kesi zinazohusu unyanyasaji wa kijinsia, haki za urithi, ndoa, na talaka. Kusaidia Watu Wa...
Read more