DAWATI LA MSAADA WA SHERIA LAREKEBISHA MIPAKA KATIKA ENEO LA UCHIMBAJI MAWE MLANGARINI

-

Mlangarini, Arusha – Katika jitihada za kuondoa sintofahamu kuhusu mipaka ya eneo la uchimbaji mawe, Dawati la Msaada wa Sheria kwa kushirikiana na maafisa ardhi pamoja na afisa kutoka Taasisi ya Kuzuia na Kupambana na Rushwa (TAKUKURU) wamefika katika Kata ya Mlangarini kutoa elimu ya sheria na kusimamia upimaji upya wa eneo hilo. 

Hatua hii imechukuliwa kufuatia mgogoro wa mipaka kati ya wanakijiji wa Mlangarini na Rikitesh Patel, mmiliki wa kiwanda cha kuchakata mawe kwa ajili ya kokoto. Patel alinunua eneo hilo kutoka kwa baadhi ya wenyeji wa kijiji, lakini kulizuka sintofahamu kuhusu mipaka halisi ya ardhi hiyo.  


Wakati wa zoezi hilo, wataalamu wa ardhi walihakiki na kurejelea vipimo upya ili kuhakikisha haki inatendeka kwa pande zote na kuondoa migogoro isiyo ya lazima. Wananchi walipata fursa ya kuuliza maswali na kupewa ufafanuzi wa kisheria kuhusu umiliki wa ardhi na taratibu sahihi za mauziano ya ardhi ili kuepuka changamoto za baadaye.

Hatua hii imepokelewa vyema na wanakijiji wa Mlangarini, wakieleza kuwa ni hatua muhimu katika kudumisha amani na kuhakikisha kila mmoja anafahamu mipaka yake kihalali. Dawati la Msaada wa Sheria limeahidi kuendelea kutoa elimu zaidi kuhusu haki za ardhi ili kuwaepusha wananchi na migogoro inayotokana na ukosefu wa uelewa wa sheria za ardhi.



Comments

Post a Comment

Popular posts from this blog

-
Image
Mafunzo Yawapa Nguvu Wataalamu Halmashauri Kilimanjaro: Mkakati wa Mama Samia Legal Aid Campaign Wapewa Msukumo Mpya Mafunzo haya yaliwalenga wataalamu wa ngazi ya halmashauri mkoani Kilimanjaro ili kuwajengea uwezo katika kuendesha, kusimamia, na kutathmini Mpango wa Mama Samia Legal Aid Campaign. Lengo kuu ni kuhakikisha kuwa wananchi wanapata msaada wa kisheria kwa wepesi, uwazi, na ufanisi. Uelewa wa Mkakati wa Mama Samia Legal Aid Campaign: Mkakati wa Msingi:   Unajumuisha kutoa elimu ya kisheria kwa wananchi, kuimarisha upatikanaji wa haki, na kuboresha mifumo ya usimamizi wa rasilimali za kisheria. Umuhimu kwa Maendeleo ya Jamii:   Kupitia mpango huu, wananchi wanakuwa na uelewa mpana wa haki zao, hivyo kukuza amani, ushirikishwaji na maendeleo endelevu katika jamii. Mwongozo wa Uendeshaji na Mambo ya Kuzingatia: Usimamizi Madhubuti:   Wawezeshaji wanapaswa kuandaa ratiba inayozingatia mahitaji ya kila eneo na kufuata taratibu za utawala bora. Ushirikiano Miongoni ...
Read more
-
Image
 MSAADA WA KISHERIA KATIKA MIGOGORO YA NDOA NA NDOA KWA KUZINGATIA KATIBA YA TANZANIA  Nchini Tanzania, ndoa ni muungano mtakatifu unaotambuliwa na Katiba ya Jamhuri ya Muungano wa Tanzania na sheria mbalimbali kama vile Sheria ya Ndoa ya Mwaka 1971. Hata hivyo, kama ilivyo kwa muungano wowote wa kijamii, changamoto na migogoro inaweza kutokea. Katika hali kama hizi, msaada wa kisheria una jukumu muhimu katika kulinda haki za wahusika na kuhakikisha suluhu za haki na endelevu.   Katiba na Haki za Wanandoa Katiba ya Tanzania inatambua haki za msingi za kila raia, ikiwa ni pamoja na haki ya usawa mbele ya sheria (Ibara ya 13). Katika ndoa, haki hizi zinahakikisha kuwa wanandoa wote wanatendewa kwa usawa bila kujali jinsia au hali ya kiuchumi. Sheria pia inahimiza maelewano, heshima, na usaidizi wa pamoja kati ya wanandoa, ambayo ni msingi wa amani ya familia.   Migogoro ya Ndoa Migogoro ya ndoa inaweza kuwa ya aina mbalimbali, ikiwa ni pamoja na: 1.Migogoro ya kifamili...
Read more
-
Image
Je, Kampeni ya Msaada wa Kisheria ya Mama Samia Inatoa Msaada wa Namna gani Kwa Watanzania?  Kampeni ya msaada wa kisheria iliyoanzishwa na Mhe.Rais.Dkt.Samia Suluhu Hassan inagusa maeneo mbalimbali nchini Tanzania kwa lengo la kutoa elimu na huduma za msaada wa kisheria kwa wananchi. Maeneo muhimu ambayo kampeni hii inagusa ni pamoja na: Elimu ya Kisheria :MSLAC inatoa elimu ya kisheria kwa wananchi kuhusu haki zao za kikatiba na sheria zinazowalinda, ikiwemo sheria za ardhi, haki za wanawake, watoto, na makundi maalum. Utoaji wa Huduma za Kisheria : Kampeni inawafikia wananchi kwa kuwapatia huduma za msaada wa kisheria, hasa wale wasio na uwezo wa kumudu gharama za kisheria. Hii inahusisha msaada wa kisheria wa bure kwa wananchi katika migogoro mbalimbali. Ulinzi wa Haki za Wanawake na Watoto : Moja ya malengo makubwa ya kampeni ni kulinda haki za wanawake na watoto, kwa kutoa msaada katika kesi zinazohusu unyanyasaji wa kijinsia, haki za urithi, ndoa, na talaka. Kusaidia Watu Wa...
Read more